Nasaun Timor-Leste sei “Bankrota” iha futuru tanbá Deputadu/a “naukten legál” (korruptores legál) sira iha Parlamentu Nasionál

 

Opiniaun hosi: José Lino Costantino Pereira

Maluk Timoroan tomak, hanesan ita hotu hatene katak, Parlamentu Nasionál, nu’udar orgaun sobernia da-ruak (segundu) ne’ebé mak deskrevidu ona iha ita nia Konstituisaun-RDTL (Artigu 67), nune’e Parlamentu Nasionál mós iha papél Prinsipál tolu (3) mak hatur ona iha Konstituisaun-RDTL (Artigu 92) hanesan; 1. Produs Lei (lezisladór), 2. Fiskalizasaun (fiskalizadór), 3. Foti desizaun Politika.

Bazeia bá titulu ne’ebé mak hakerek nain sita liu bá, hakerek nain tenta atu asenta ho pontu tolu (3) papel importante Deputadu/a nian ne’ebé hatur nanis ona iha artigu 92 liu bá, hodi justifika Deputadu/a sira nia asaun koruptu ne’ebé mak durante akontese maibé públiku rasik la nota, aktus korrupsaun legál ne’ebé mak durante Deputadu/a sira prátika iha Parlamentu Nasionál mak hanesan tuir mai ne’e;

1.    Durante tinan 21 Timor-Leste restaura independensia, Parlamentu Nasionál eziste ona lezislatura hamutuk neen (VI), maibé hosi primeiru lezislatura mai to’o agora VI lezislatura, ita rekoñese katak Parlamentu konsege produs duni lezislasaun lubuk hodi koresponde bá ita nia prinsipiu Estadu Direito, inklui koresponde bá realidade sosiál, maibé iha mós lezislasaun lubuk ne’ebé mak señores Deputadu/a sira produs, iha lezislasaun lubuk ne’ebé mak señores Deputadu/a produs hodi benefisia no protesaun bá sira nia an rasik maka lezislasaun sira hanesan tuir mai ne’e;

a)      Lei nú.3/2004 (Lei Partidu Politiku) lei ida ne’e somente atu buska (serku) povu nia oan iha tenpu eleisaun, hanesan ita hotu hatene kada partidu ida ne’ebé mak eziste atu kompete bá eleisaun sira sei simu subsidiu kada votus ida hetan ($4.00)

b)      Lei nú.5/2004 (Estatutu Deputadu/a) lei ida ne’e atu hatur dever zelu deputadu/a nian iha uma fukun Parlamentu Nasionál, maibé iha lezislasaun ida ne’e nia laran, artigu 12 ne’e rasik maka fó kbi’it atu bá Deputadu/a sira atu reáliza sira nia asaun korruptu iha uma fukum parlamentu Nasionál.

c)      Lei nú1/2006 (lei bá Liberdade reuniaun no manifestaun), imeniente lei ida ne’e degorat lei inan konstituisaun-RDTL artigu 42, maibé lei ida ne’e mós limita Liberdade espresaun, ho forsa, seguransa inklui distansia sira, atu dehan karik lei ida ne’e mezmu ke fó Liberdade espresaun, maibé nakonu ho presaun bá Liberdade espresaun.

d)      Lei nú.1/2007 (lei pesaun vitalisia, no direitu regalla bá deputadu/a) lei ida ne’e mosu hosi artigu 12 hosi lei nú.5/2004 hodi fó kondisaun bá deputadu/a sira, atu simu pensaun, hakerek nain hakarak espesifika liu tan katak, lei ida ne’e mak fó benefisia bá Deputadu/a ativu ka sira ne’ebé mak mandatu remata ona sei simu kondisaun sira hanesan tuir mai ne’e;1. Saúde Gratuita (atu deputadu/a ativu ka Eis-Deputadu/a sira kuandu moras, sira sei bá konsulta iha “Dili Medical Center” (DMC) maibé sira kuandu la rekupera mak sei bá konsulta iha nasaun seluk, konforme Lei nú.12/2017 iha artigu 9 hodi fó kbi’it bá konsellu adminsitasaun Parlamentar nain atu foti desizaun. 2. Pasaporte legal (sira atu bá nasaun ne’ebé de’it Parlamentu Nasionál mak sei finansia, mezmu ke la’o asuntu privadu. 3. Importasaun sein-taxa (sira bá hola sasan iha nasaun sira liur mak lori tama mai Timor-Leste mezmu ke produtu sira ne’e kategoria bá Inpostu maibé sira sei nafatin livre. No kondisaun seluk tan ne’ebé mak deskreve iha artigu 12 lei nú.5/2004 hateten.

e)      Lei nú.12/2017 Lei organizasaun Funsionamentu Administrasaun Parlamentu (LOFAP)  lei ida ne’e mosu hosi artigu 12 hodi lei nú.5/2004, hodi fó kompetensiaun bá sekretariadu konsellu administrasaun Parlamentu Nasionál hodi Hasai desizaun sira ne’ebé mak fó benefisia bá deputadu/a sira, inklui liu hosi lei ida ne’e mak Parlamentu Nasionál kada tinan aprova orsamentu privativu bá Parlamentu Nasional nian. Desizaun sira ne’ebé mak hasai hodi fó benefisia deputadu/a sira ha’u fó esplikasaun iha parte ikus.

2.    Ita koalia kona-bá papel parlamentu Nasionál (knar deputadu nian atu halo fiskzalizasaun) iha Timor-Leste hodi buka hatene kondisaun moris sosiédade Timoroan nian, inklui halo fiskalizasaun konstrusaun dezenvolvimentu iha rai laran, hanesan Timoroan, fó apresia bá deputadu/a sira nia knar ida ne’e, maibé dala-barak liu, deputadu/a bá fiskaliza mais inposivél kondisaun moris sidadaun nian iha setores oi-oin sei hakdasak (fakum) realidade konkreta ida mak ita bele haree kondisaun estudu estudante hosi nivél primaria sira iha area remotas barak mak sei tur iha rai hodi asesu siénsia, asaun fiskalizasaun sira ne’e mak durante deputadu/a sira realiza inklui atu buka hatene mós kondisaun moris tuir duni lezislasaun sira ne’ebé mak vigoradu ka la’e, mais inposivél fiskalizasaun nia rezultadu konservadu iha gaveta deputadu/a nian, mais ke pior nafatin kopia Nasaun seluk nia lei hodi aplika bá realidade iha Timor-Leste. Ida ne’e atu justifika katak deputadu/a sira durante la’os bá halo fiskalizasaun maibé sira orgullu la’o tun sa’e tanbá simu subsidiu lubuk hodi viajen, subsidiu sira ne’e ha’u sei esplika iha pontus sira tuir mai ne’e.

3.    Maluk leitores sira, hafoin ita asesu tiha lezislasaun sira ne’ebé mak fó benefisia no asegura bá deputadu/a, maka iha ne’e hakerek nain hakarak fó sai dadus koruptu deputadu/a sira nian durante naok povu nia osan ho desizaun sira ne’ebé mak mosu hosi Lei nú.12/2017 konjugadu lei nú,5/2004, desizaun sira ne’ebé mak Parlamentu Nasionál produas hodi fó benefisia bá deputadu/a sira mak hanesan tuir mai ne’e;

a.    Decisão N.º 56 /V/CA, de 31 de maio de 2022 Atualização de Subsídio de Combustível (osan ense mina kareta) dos Deputados do Parlamento Nacional  MUNICÍPIO DILI BA:

1.      Dili bá AILEU 47 KM Hetan subisidiu $95.00 dollar

2.      Dili bá AINARO116 KM hetan subsidiu $165.00 dollar

3.      Dili bá BAUCAU 127 KM hetan subsidiu $190.00 dollar

4.      Dili bá BOBONARO 138 KM hetan subisidiu $165.00 dollar

5.      Dili bá COVALIMA 202 KM hetan subsidiu $240.00 dollar

6.      Dili bá ERMERA 62 KM hetan subsidiu $140 dollar

7.      Dili bá LAUTEM 199 KM hetan subsidiu $235.00 dollar

8.      Dili bá LIQUICA 36 KM hetan subsidiu 95.00 dollar

9.      Dili bá MANATUTO 66 KM hetan subisiu $140.00 dollar

10.  Dili bá MANUFAHI 119 KM hetan subisiu $180.00 dollar

11.  Dili bá VIQUEQUE 197 KM hetan subsidiu $235.00 dollar

12.  Dili bá Oe-Cusse hetan subisiu $235.00 dollar.

b.      Decisão No 22/V/CA, de 31 de janeiro de 2020 Autoriza a Secretária-Geral a celebrar contratos com o Hospital SILOAM Bali e Hospital PARKWAY Singapura.

c.       Decisão no 28 /V/CA, de 25 de junho de 2020 Atualização da verba para troca de pneus para viaturas dos Deputados, desizaun ida ne’e, nia objetivu mak atu troka kareta nia roda sira bá kareta ne’ebé mak deputadu/a ativu sira uza, kada kareta nia rod aida, konsellu administrasaun parlamentar aprova ho montante $250.00, ba kada roda ida kompostu hodi roda lima (5) ho montante $1.250.00.

d.      Decisão n.o 30 /V/CA, de 08 de julho de 2020 Subsídio de Manutenção dos Veículos dos Deputados., desizaun ida ne’e konsellu adminitrasaun aprova hodi fó subsidiu menutensaun viaturas (hadia kareta) bainhira deputadu/a sira la’o bá fiskalizasaun, sei simu subsidiu ho montante $500.00 kada deputadu ida wainhira sira bá halo fisklizasaun, inklui tinan ida deputadu ida sei simu subsididu manutensaun bá viaturas ho montante $1.500.00, mais inposivél deputadu/a sira nia mandate atu remata sira sempre hasai desizaun hodi lelaun kareta ho montante $8.000.00 ho razaun fundamentu katak kareta nia kondisaun ladi’ak.

e.       Decisão no06/III/CA Assistência Médica aos Deputados,

f.        Aliende desizaun sira liu bá, iha mós desizaun nú.17/VI (1^a) ne’ebé mak aprova iha loron 31 fulan Outobru tinan 2023, objetivu hosi desizaun ida ne’e, atu fó subsidiu transporte nian bá deputadu/a komesa fulan janeiru tinan 2024, montante subsidiu transporte ne’e kada deputadu ida sei simu ho montante $1.600.00 kada fulan, montante ida ne’e la konta ho salariu mensal deputadu/a sira nian. Kada fulan ida mak $1.600.00 kada deputadu maka deputadu/a nain 65 sei subsidiu transporte ho montante $104.000.00 imajiña tinan ida sei simu montante hamutuk millaun $1.248.000.00, aleinde subsidiu transporte nian,Deputadu/a aprova subsidiu saúde bá deputadu/a nain 65 kada deputadu sei simu $600.0, bele konta hamutuk ho subisidiu seluk ne’ebé maka ha’u sita iha aliña anaterior, inklui sira nian deputadu/a sira  nia salariu karik hamutuk hira..?

Nune’e ho lezislasaun no desizaun sira ne’ebé hakerek nain sita liu-bá hodi protesaun no fó benefisia bá deputadu/a sira iha uma fukun parlamentu Nasionál maka hakerek nain atu dehan katak, Parlamentu Nasionál la’os orgaun soberania ne’ebé mak reprejenta Povu doben Timor-Leste, Maibé Parlamentu Nasionál nu’udar fatin bá, “ema atu buka aprende hanesan estudante babain”, inklui fatin bá bá “ema naok-ten sira atu buka moris iha povu nia osan leten.

Konkluzaun hosi artigu ida ne’e atu dehan katak, Partidu Politiku sira iha Timor-Leste nia ema lideransa politiku, laiha ida mak interese bá bein-komún, maibé ineterese individu mak nakonu. “espera katak ó deputadu/a karik leitura duni bele senti netik artigu simples ne’e.Obrigadu waín.

Maluk leitores sira, opiniaun ne’e públikadu hakerek nain ho alta konsiderasaun masimu hakarak klarifika katak, opiniaun ida ne’e la reprejenta kualker instituisaun, tantu organizasaun ruma, maibé, opiniaun ne’e produs ho individuálmente. Maibé maluk leitóres Timoroan tomak mak iha ne’ebé de’it, rai laran no lemorai iha rai liur, opiniaun ida ne’e serteza katak produs ho individuál, maibé nia sentidu reprejenta ita Timoroan tomak nia opiniaun.